ശ്രീമദ് നാരായണീയം
അഷ്ടാംഗയോഗവും സിദ്ധിയും
ദശകം 4
കല്യതാം മമ കുരുഷ്വ താവതീം കല്യതേ ഭവദുപാസനം യയാ
സ്പഷ്ടമഷ്ടവിധയോഗചര്യയാ പുഷ്ടയാശു തവ തുഷ്ടിമാപ്നുയാം 1
ബ്രഹ്മചര്യദൃഢതാദിഭിര്യമൈരാപ്ലവാദിനിയമൈശ്ച പാവിതാ:
കുര്മ്മഹേ ദൃഢമമീ സുഖാസനം പങ്കജാദ്യമപി വാ ഭവത്പരാ: 2
താരമന്തരനുചിന്ത്യ സന്തതം പ്രാണവായുമഭിയമ്യ നിര്മ്മലാ:
ഇന്ദ്രിയാണി വിഷയാദഥാപഹൃത്യാസ്മഹേ ഭവദുപാസനോന്മുഖാ: 3
അസ്ഫുടേ വപുഷി തേ പ്രയത്നതോ ധാരയേമ ധിഷണാം മുഹുര്മുഹു:
തേന ഭക്തിരസമന്തരാര്ദ്രതാമുദ്വഹേമ ഭവദങ്ഘ്രിചിന്തകാ 4
വിസ്ഫുടാവയവഭേദസുന്ദരം ത്വദ്വപു: സുചിരശീലനാവശാത്
അശ്രമം മനസി ചിന്തയാമഹേ ധ്യാനയോഗനിരതാസ്ത്വദാശ്രയാഃ 5
ധ്യായതാം സകളമൂര്ത്തിമീദൃശീമുന്മിഷന്മധുരതാഹൃതാത്മനാം
സാന്ദ്രമോദരസരൂപമാന്തരം ബ്രഹ്മ രൂപമയി തേവഭാസതേ 6
തത്സമാസ്വദനരൂപിണീം സ്ഥിതിം ത്വത്സമാധിമയി വിശ്വനായക
ആശ്രിതാ: പുനരത: പരിച്യുതാവാരഭേമഹി ച ധാരണാദികം 7
ഇത്ഥമഭ്യസനനിര്ഭരോല്ലസത്ത്വത്പരാത്മസുഖകല്പിതോത്സവാ:
മുക്തഭക്തകുലമൗലിതാം ഗതാ: സഞ്ചരേമ ശുകനാരദാദിവത് 8
ത്വത്സമാധിവിജയേ തു യ: പുനര്മ്മംക്ഷു മോക്ഷരസിക: ക്രമേണ വാ
യോഗവശ്യമനിലം ഷഡാശ്രയൈരുന്നയത്യജ സുഷുമ്നയാ ശനൈ: 9
ലിംഗദേഹമപി സന്ത്യജന്നഥോ ലീയതേ ത്വയി പരേ നിരാഗ്രഹഃ
ഊര്ദ്ധ്വളൊകകുതുകീ തു മൂര്ദ്ധതസ്സാര്ദ്ധമേവ കരണൈര്ന്നിരീയതേ 10
അഗ്നിവാസരവളര്പക്ഷഗൈരുത്തരായണജുഷാ ച ദൈവതൈ:
പ്രാപിതോ രവിപദം ഭവത്പരോ മോദവാന് ധ്രുവപദാന്തമീയതേ 11
ആസ്ഥിതോഥ മഹരാലയേ യദാ ശേഷവക്ത്രദഹനോഷ്മണാര്ദ്യതേ
ഈയതേ ഭവദുപാശ്രയസ്തദാ വേധസ: പദമത: പുരൈവ വാ 12
തത്ര വാ തവ പദേഥവാ വസന് പ്രാകൃതപ്രലയ ഏതി മുക്തതാം
സ്വേച്ഛയാ ഖലു പുരാ വിമുച്യതേ സംവിഭിദ്യ ജഗദണ്ഡമോജസാ 13
തസ്യ ച ക്ഷിതിപയോമഹോനിലദ്യോമഹത്പ്രകൃതിസപ്തകാവൃതീ:
തത്തദാത്മകതയാ വിശന് സുഖീ യാതി തേ പദമനാവൃതം വിഭോ 14
അര്ച്ചിരാദിഗതിമീദൃശീം വ്രജന് വിച്യുതിം ന ഭജതേ ജഗത്പതേ
സച്ചിദാത്മക ഭവത് ഗുണോദയാനുച്ചരന്തമനിലേശ പാഹി മാം 15
സർവത്ര ഗോവിന്ദ നാമ സങ്കീർത്തനം ഗോവിന്ദ ഗോവിന്ദ
ഹരിഃ ഓം
ഹരിഃ ഓം
No comments:
Post a Comment