ചന്ദ്രശേഖരാഷ്ടകം 

 

ചന്ദ്രശേഖര ചന്ദ്രശേഖര 

ചന്ദ്രശേഖര പാഹിമാം 

ചന്ദ്രശേഖര ചന്ദ്രശേഖര 

ചന്ദ്രശേഖര രക്ഷ മാം 

രത്നസാനുശരാസനം

 രജതാദ്രിശൃംഗനികേതനം 

ശിഞ്ജിനീകൃതപന്നഗേശ്വര-

മച്യുതാനനസായകം 

ക്ഷിപ്രദഗ്ധപുരത്രയം 

ത്രിദിവാലയൈരഭിവന്ദിതം 

ചന്ദ്രശേഖരമാശ്രയേ മമ 

കിം കരിഷ്യതി വൈ യമ:

പഞ്ചപാദപപുഷ്പഗന്ധ- 

പദാമ്ബുജദ്വയ ശോഭിതം 

ഫാലലോചനജാതപാവക-

ദഗ്ദമന്മഥവിഗ്രഹം 

ഭസ്മദിഗ്ദ്ധകളേബരം 

ഭവനാശനം ഭവമവ്യയം(ചന്ദ്രശേഖരമാശ്രയേ)

മത്തവാരണമുഖ്യചർമ്മ -

കൃതോത്തരീയമനോഹരം 

പങ്കജാസന പത്മലോചന 

പൂജിതാംഘ്രിസരോരുഹം 

ദേവസിന്ധുതരംഗശീകര -

സിക്തശുഭ്രജടാധരം (ചന്ദ്ര..)

യക്ഷരാജസഖം ഭഗാക്ഷഹരം ഭുജംഗവിഭൂഷണം

ശൈലരാജസുതാപരിഷ്കൃത ചാരുവാമകളേബരം 

ക്ഷ്വേഡനീലഗളം പരശ്വധധാരിണം മൃഗധാരിണം (ചന്ദ്ര..)

കുണ്ഡലീകൃതകുണ്ഡലേശ്വര-

കുണ്ഡലം വൃഷവാഹനം

നാരദാദിമുനീശ്വരസ്തുതവൈഭവം ഭുവനേശ്വരം 

അന്തകാന്തകമാശ്രിതാമരപാദപം ശമനാന്തകം (ചന്ദ്ര..)

ഭേഷജംഭവരോഗിണാമഖി-

ലാപദാമപഹാരിണം  

ദക്ഷയജ്ഞവിനാശനം ത്രിഗുണാത്മകം ത്രിവിലോചനം 

ഭക്തിമുക്തിഫലപ്രദംസ-

കലാഘസംഘനിബർഹണം (ചന്ദ്ര...)

ഭക്തവത്സലമർച്ചിതം നിധിമക്ഷയം ഹരിദംബരം 

സർവ്വഭൂതപതിം പരാത്പര -

മപ്രമേയമനുത്തമം 

സോമവാരിനഭൂഹുതാശന

സോമപാനിലഖാകൃതീം  (ചന്ദ്ര..)

വിശ്വസൃഷ്ടിവിധായിനം പുനരേവ പാലനതത്പരം 

സംഹരന്തമപി പ്രപഞ്ചമശേഷ-

ലോകനിവാസിനം 

ക്രീഡയന്തമഹർനിശം ഗണ -

നാഥയൂഥസമന്വിതം (ചന്ദ്ര..)

മൃത്യുഭീതമൃകണ്ഡുസൂനുകൃതസ്തവം ശിവസന്നിധൗ 

യത്രകുത്ര ച യഃ പഠേന്നഹി 

തസ്യ മൃത്യുഭയം ഭവേത് 

പൂർണ്ണമായുരരോഗിതാമഖി -

ലാർത്ഥ സമ്പദമാദരം

ചന്ദ്രശേഖര ഏവ തസ്യ 

ദദാതി മുക്തിമയത്നതഃ