ശ്രീമദ് നാരായണീയം
ധ്രുവചരിതം
ദശകം 17
ഉത്താനപാദനൃപതേര്‍മനുനന്ദനസ്യ
ജായാ ബഭൂവ സുരുചിര്‍നിതരാമഭീഷ്ടാ
അന്യാ സുനീതിരിതി ഭര്‍ത്തുരനാദൃതാ സാ
ത്വാമേവ നിത്യമഗതി: ശരണം ഗതാഭൂത് 1
അങ്കേ പിതു: സുരുചിപുത്രകമുത്തമം തം
ദൃഷ്ട്വാ ധ്രുവ: കില സുനീതിസുതോധിരോക്ഷ്യന്‍
ആചിക്ഷിപേ കില ശിശു: സുതര‍ാം സുരുച്യാ
ദുസ്സന്ത്യജാ ഖലു ഭവദ്വിമുഖൈരസൂയാ 2
ത്വന്മോഹിതേ പിതരി പശ്യതി ദാരവശ്യേ
ദൂരം ദുരുക്തിനിഹത: സ ഗതോ നിജ‍ാംബ‍ാം
സാപി സ്വമര്‍മ്മഗതിസന്തരണായ പുംസ‍ാം
ത്വത്പാദമേവ ശരണം ശിശവേ ശശംസ 3
ദൂരം ദുരുക്തിനിഹത: സ ഗതോ നിജ‍ാംബ‍ാം
സാപി സ്വമര്‍മ്മഗതിസന്തരണായ പുംസ‍ാം
ത്വത്പാദമേവ ശരണം ശിശവേ ശശംസ 3
ആകര്‍ണ്യ സോപി ഭവദര്‍ചനനിശ്ചിതാത്മാ
മാനീ നിരേത്യ നഗരാത് കില പഞ്ചവര്‍ഷ:
സന്ദൃഷ്ടനാരദനിവേദിതമന്ത്രമാര്‍ഗ്ഗ-
സ്ത്വാമാരരാധ തപസാ മധുകാനനാന്തേ 4
താതേ വിഷണ്ണഹൃദയേ നഗരീം ഗതേന
ശ്രീനാരദേന പരിസാന്ത്വിതചിത്തവൃത്തൗ
ബാലസ്ത്വദര്‍പ്പിതമനാ: ക്രമവര്‍ദ്ധിതേന
നിന്യേ കഠോരതപസാ കില പഞ്ചമാസാന്‍ 5
താവത്തപോബലനിരുച്ഛ്-വസിതേ ദിഗന്തേ
ദേവാര്‍ത്ഥിതസ്ത്വമുദയത്കരുണാര്‍ദ്രചേതാ:
ത്വദ്രൂപചിദ്രസനിലീനമതേ: പുരസ്താ-
ദാവിര്‍ബഭൂവിഥ വിഭോ ഗരുഡാധിരൂഢ: 6
ത്വദ്ദര്‍ശനപ്രമദഭാരതരംഗിതം തം
ദൃഗ്ഭ്യ‍ാം നിമഗ്നമിവ രൂപരസായനേ തേ
തുഷ്ടൂഷമാണമവഗമ്യ കപോലദേശേ
സംസ്പൃഷ്ടവാനസി ദരേണ തഥാദരേണ 7
താവദ്വിബോധവിമലം പ്രണുവന്തമേന-
മാഭാഷഥാസ്ത്വമവഗമ്യ തദീയഭാവം
രാജ്യം ചിരം സമനുഭൂയ ഭജസ്വ ഭൂയ:
സര്‍വ്വോത്തരം ധ്രുവ പദം വിനിവൃത്തിഹീനം 8
ഇത്യൂചിഷി ത്വയി ഗതേ നൃപനന്ദനോസാ-
വാനന്ദിതാഖിലജനോ നഗരീമുപേത:
രേമേ ചിരം ഭവദനുഗ്രഹപൂര്‍ണ്ണകാമ-
സ്താതേ ഗതേ ച വനമാദൃതരാജ്യഭാര: 9
യക്ഷേണ ദേവ നിഹതേ പുനരുത്തമേസ്മിന്‍
യക്ഷൈ: സ യുദ്ധനിരതോ വിരതോ മനൂക്ത്യാ
ശാന്ത്യാ പ്രസന്നഹൃദയാദ്ധനദാദുപേതാ-
ത്ത്വദ്ഭക്തിമേവ സുദൃഢാമവൃണോന്മഹാത്മാ 10
അന്തേ ഭവത്പുരുഷനീതവിമാനയാതോ
മാത്രാ സമം ധ്രുവപദേ മുദിതോയമാസ്തേ
ഏവം സ്വഭൃത്യജനപാലനലോലധീസ്ത്വം
വാതാലയാധിപ നിരുന്ധി മമാമയൗഘാ‍ന‌‍ന്‍ 11
സർവത്ര ഗോവിന്ദ നാമ സങ്കീർത്തനം ഗോവിന്ദ ഗോവിന്ദ
ഹരിഃ ഓം
No comments:
Post a Comment