ശ്രീ ഗണേശ പഞ്ചരത്നം
മുദാ കരാത്ത മോദകം സദാ വിമുക്തി സാധകം |
കളാധരാവതംസകം വിലാസിലോക രക്ഷകം |
അനായകൈക നായകം വിനാശിതേഭ ദൈത്യകം |
നതാശുഭാശു നാശകം നമാമി തം വിനായകം || 1 ||
നതേതരാതി ഭീകരം നവോദിതാര്ക ഭാസ്വരം |
നമത്സുരാരി നിര്ജരം നതാധികാപദുദ്ഢരം |
സുരേശ്വരം നിധീശ്വരം ഗജേശ്വരം ഗണേശ്വരം |
മഹേശ്വരം തമാശ്രയേ പരാത്പരം നിരന്തരം || 2 ||
സമസ്ത ലോക ശങ്കരം നിരസ്ത ദൈത്യ കുഞ്ജരം |
ദരേതരോദരം വരം വരേഭ വക്ത്രമക്ഷരം |
കൃപാകരം ക്ഷമാകരം മുദാകരം യശസ്കരം |
മനസ്കരം നമസ്കൃതാം നമസ്കരോമി ഭാസ്വരം || 3 ||
അകിഞ്ചനാര്തി മാര്ജനം ചിരന്തനോക്തി ഭാജനം |
പുരാരി പൂര്വ നന്ദനം സുരാരി ഗര്വ ചര്വണം |
പ്രപഞ്ച നാശ ഭീഷണം ധനഞ്ജയാദി ഭൂഷണം |
കപോല ദാനവാരണം ഭജേ പുരാണ വാരണം || 4 ||
നിതാന്ത കാന്തി ദന്ത കാന്തി മന്ത കാന്തി കാത്മജം |
അചിന്ത്യ രൂപമന്ത ഹീന മന്തരായ കൃന്തനം |
ഹൃദന്തരേ നിരന്തരം വസന്തമേവ യോഗിനാം |
തമേകദന്തമേവ തം വിചിന്തയാമി സന്തതം || 5 ||
മഹാഗണേശ പഞ്ചരത്നമാദരേണ യോஉന്വഹം |
പ്രജല്പതി പ്രഭാതകേ ഹൃദി സ്മരന് ഗണേശ്വരം |
അരോഗതാമദോഷതാം സുസാഹിതീം സുപുത്രതാം |
സമാഹിതായു രഷ്ടഭൂതി മഭ്യുപൈതി സോஉചിരാത് |
ഹരിഃ ഓം
No comments:
Post a Comment