ദശകം 14                                              

സമനുസ്മൃതതാവക‍ാംഘ്രിയുഗ്മ:
സ മനു: പങ്കജസംഭവ‍ാംഗജന്മാ |
നിജമന്തരമന്തരായഹീനം
ചരിതം തേ കഥയന്‍ സുഖം നിനായ || 1 ||

സമയേ ഖലു തത്ര കര്‍ദ്ധമാഖ്യോ
ദ്രുഹിണച്ഛായഭവസ്തദീയവാചാ |
ധൃതസര്‍ഗ്ഗരസോ നിസര്‍ഗ്ഗരമ്യം
ഭഗവംസ്ത്വാമയുതം സമാ: സിഷേവേ || 2 ||

ഗരുഡോപരി കാലമേഘക്രമം
വിലസത്കേലിസരോജപാണിപദ്മം |
ഹസിതോല്ലസിതാനനം വിഭോ ത്വം
വപുരാവിഷ്കുരുഷേ സ്മ കര്‍ദ്ധമായ || 3 ||

സ്തുവതേ പുലകാവൃതായ തസ്മൈ
മനുപുത്രീം ദയിത‍ാം നവാപി പുത്രീ: |
കപിലം ച സുതം സ്വമേവ പശ്ചാത്
സ്വഗതിം ചാപ്യനുഗൃഹ്യ നിര്‍ഗ്ഗതോഭൂ: || 4 ||

സ മനു: ശതരൂപയാ മഹിഷ്യാ
ഗുണവത്യാ സുതയാ ച ദേവഹൂത്യാ |
ഭവദീരിതനാരദോപദിഷ്ട:
സമഗാത് കര്ദമമാഗതിപ്രതീക്ഷം || 5 ||

മനുനോപഹൃത‍ാം ച ദേവഹൂതിം
തരുണീരത്നമവാപ്യ കര്‍ദമോസൗ |
ഭവദര്‍ച്ചനനിവൃതോപി തസ്യ‍ാം
ദൃഢശുശ്രൂഷണയാ ദധൗ പ്രസാദം || 6 ||

സ പുനസ്ത്വദുപാസനപ്രഭാവാ-
ദ്ദയിതാകാമകൃതേ കൃതേ വിമാനേ |
വനിതാകുലസങ്കുലോ നവാത്മാ
വ്യഹരദ്ദേവപഥേഷു ദേവഹൂത്യാ || 7 ||

ശതവര്‍ഷമഥ വ്യതീത്യ സോയം
നവ കന്യാ: സമവാപ്യ ധന്യരൂപാ: |
വനയാനസമുദ്യതോപി കാന്താ-
ഹിതകൃത്ത്വജ്ജനനോത്സുകോ ന്യവാത്സീത്  || 8 ||

നിജഭര്‍ത്തൃഗിരാ ഭവന്നിഷേവാ-
നിരതായാമഥ ദേവ ദേവഹൂത്യ‍ാം |
കപിലസ്ത്വമജായഥാ ജനാന‍ാം
പ്രഥയിഷ്യന്‍ പരമാത്മതത്ത്വവിദ്യ‍ാം || 9 ||

വനമേയുഷി കര്‍ദ്ദമേ പ്രസന്നേ
മതസര്‍വ്വസ്വമുപാദിശന്‍ ജനന്യൈ |
കപിലാത്മക വായുമന്ദിരേശ
ത്വരിതം ത്വം പരിപാഹി മ‍ാം ഗദൗഘാത് || 10 ||