ദശകം 11
ക്രമേണ സര്ഗ്ഗേ പരിവര്ദ്ധമാനേ
കദാപി ദിവ്യാ: സനകാദയസ്തേ
ഭവദ്വിലോകായ വികുണ്ഠലോകം
പ്രപേദിരേ മാരുതമന്ദിരേശ 1
മനോജ്ഞനൈശ്രേയസകാനനാദ്യൈ-
രനേകവാപീമണിമന്ദിരൈശ്ച
അനോപമം തം ഭവതോ നികേതം
മുനീശ്വരാ: പ്രാപുരതീതകക്ഷ്യാ: 2
ഭവദ്ദിദ്ദൃക്ഷൂന്ഭുവനം വിവിക്ഷന്
ദ്വാ:സ്ഥൗ ജയസ്താന് വിജയോപ്യരുന്ധാം
തേഷാം ച ചിത്തേ പദമാപ കോപ:
സര്വം ഭവത്പ്രേരണയൈവ ഭൂമന് 3
വൈകുണ്ഠലോകാനുചിതപ്രചേഷ്ടൗ
കഷ്ടൗ യുവാം ദൈത്യഗതിം ഭജേതം
ഇതി പ്രശപ്തൗ ഭവദാശ്രയൗ തൗ
ഹരിസ്മൃതിര്ന്നോസ്ത്വിതി നേമതുസ്താന് 4
തദേതദാജ്ഞായ ഭവാനവാപ്ത:
സഹൈവ ലക്ഷ്മ്യാ ബഹിരംബുജാക്ഷ
ഖഗേശ്വരാംസാര്പ്പിതചാരുബാഹു-
രാനന്ദയംസ്താനഭിരാമമൂര്ത്ത്യ 5
പ്രസാദ്യ ഗീര്ഭിഃ സ്തുവതോ മുനീന്ദ്രാ-
നനന്യനാഥാവഥ പാര്ഷദൗ തൗ
സംരംഭയോഗേന ഭവൈസ്ത്രിഭിര്മ്മാ-
മുപേതമിത്യാത്തകൃപം ന്യഗാദീ: 6
ത്വദീയഭൃത്യാവഥ കാശ്യപാത്തൗ
സുരാരിവീരാവുദിതൗ ദിതൗ ദ്വൗ
സന്ധ്യാസമുത്പാദനകഷ്ടചേഷ്ടൗ
യമൗ ച ലോകസ്യ യമാവിവാന്യൗ 7
ഹിരണ്യപൂര്വ്വഃ കശിപുഃ കിലൈകഃ
പരോ ഹിരണ്യാക്ഷ ഇതി പ്രതീത:
ഉഭൗ ഭവന്നാഥമശേഷലോകം
രുഷാ ന്യരുന്ധാം നിജവാസനാന്ധൗ 8
തയോര്ഹിരണ്യാക്ഷമഹാസുരേന്ദ്രോ
രണായ ധാവന്നനവാപ്തവൈരീ
ഭവത്പ്രിയാം ക്ഷ്മാം സലിലേ നിമജ്യ
ചചാര ഗര്വ്വാദ്വിനദന് ഗദാവാന് 9
തതോ ജലേശാത് സദൃശം ഭവന്തം
നിശമ്യ ബഭ്രാമ ഗവേഷയംസ്ത്വാം
ഭക്തൈകദൃശ്യ: സ കൃപാനിധേ ത്വം
നിരുന്ധി രോഗാന് മരുദാലയേശ 10
സർവത്ര ഗോവിന്ദ നാമ സങ്കീർത്തനം ഗോവിന്ദ ഗോവിന്ദ
ഹരിഃ ഓം
No comments:
Post a Comment