ആദിത്യഹൃദയം

തതോ യുദ്ധ പരിശ്രാന്തം സമരേ ചിംതയാ സ്ഥിതം  |

രാവണം ചാഗ്രതോ ദൃഷ്ട്വാ യുദ്ധായ സമുപസ്ഥിതം  || 1 ||

ദൈവതൈശ്ച സമാഗമ്യ ദ്രഷ്ടുമഭ്യാഗതോ രണം  |

ഉപഗമ്യാ ബ്രവീദ്രാമം അഗസ്ത്യോ ഭഗവാന് ഋഷിഃ || 2 ||

രാമ രാമ മഹാബാഹോ ശൃണു ഗുഹ്യം സനാതനം  |

യേന സർവ്വനരീന് വത്സ സമരേ വിജയിഷ്യസി || 3 ||

ആദിത്യ ഹൃദയം പുണ്യം സർവ്വശത്രു വിനാശനം  |

ജയാവഹം ജപേന്നിത്യം  അക്ഷയ്യം പരമം ശിവം  || 4 ||

സർവ്വമംഗള മാംഗല്യംസർവ്വ പാപ പ്രണാശനം  |

ചിന്താശോക പ്രശമനംആയുർവർധനമുത്തമം  || 5 ||

രശ്മിമന്തം സമുദ്യന്തം ദേവാസുര നമസ്കൃതം  |

പൂജയസ്വ വിവസ്വന്തം ഭാസ്കരം ഭുവനേശ്വരം  || 6 ||

സർവ്വ ദേവാത്മകോ ഹ്യേഷ തേജസ്വീ രശ്മിഭാവനഃ |

ഏഷ ദേവാസുര ഗണാൻ  ലോകാൻ പാതി ഗഭസ്തിഭിഃ || 7 ||

ഏഷ ബ്രഹ്മാ ച വിഷ്ണുശ്ച ശിവഃ സ്കന്ദഃ പ്രജാപതിഃ |

മഹേന്ദ്രോ ധനദഃ കാലോ യമഃ സോമോ ഹ്യപാം പതിഃ || 8 ||

പിതരോ വസവഃ സാധ്യാ ഹ്യശ്വിനൗ മരുതോ മനുഃ |

വായുര്വഹ്നിഃ പ്രജാപ്രാണഃ ഋതുകര്താ പ്രഭാകരഃ || 9 ||

ആദിത്യഃ സവിതാ സൂര്യഃ ഖഗഃ പൂഷാ ഗഭസ്തിമാം  |

സുവര്ണസദൃശോ ഭാനുഃ ഹിരണ്യരേതാ ദിവാകരഃ || 10 ||

ഹരിദശ്വഃ സഹസ്രാര്ചിഃ സപ്തസപ്തി-ര്മരീചിമാൻ  |

തിമിരോന്മഥനഃ ശംഭുഃ ത്വഷ്ടാ മാര്താണ്ഡഅംശുമാൻ  || 11 ||

ഹിരണ്യഗര്ഭഃ ശിശിരഃ തപനോ ഭാസ്കരോ രവിഃ |

അഗ്നിഗര്ഭോ‌உദിതേഃ പുത്രഃ ശങ്ഖഃ ശിശിരനാശനഃ || 12 ||

വ്യോമനാഥ സ്തമോഭേദീ ഋഗ്യജുഃസാമ-പാരഗഃ |

ഘനാവൃഷ്ടി രപാം മിത്രോ വിന്ധ്യവീഥീ പ്ലവങ്ഗമഃ || 13 ||

ആതപീ മംഡലീ മൃത്യുഃ പിങ്ഗളഃ സര്വതാപനഃ |

കവിര്വിശ്വോ മഹാതേജാ രക്തഃ സര്വഭവോദ്ഭവഃ || 14 ||

നക്ഷത്ര ഗ്രഹ താരാണാമ് അധിപോ വിശ്വഭാവനഃ |

തേജസാമപി തേജസ്വീ ദ്വാദശാത്മന്-നമോ‌உസ്തു തേ || 15 ||

നമഃ പൂര്വായ ഗിരയേ പശ്ചിമായാദ്രയേ നമഃ |

ജ്യോതിര്ഗണാനാം പതയേ ദിനാധിപതയേ നമഃ || 16 ||

ജയായ ജയഭദ്രായ ഹര്യശ്വായ നമോ നമഃ |

നമോ നമഃ സഹസ്രാംശോ ആദിത്യായ നമോ നമഃ || 17 ||

നമ ഉഗ്രായ വീരായ സാരങ്ഗായ നമോ നമഃ |

നമഃ പദ്മപ്രബോധായ മാര്താണ്ഡായ നമോ നമഃ || 18 ||

ബ്രഹ്മേശാനാച്യുതേശായ സൂര്യായാദിത്യ-വര്ചസേ |

ഭാസ്വതേ സര്വഭക്ഷായ രൗദ്രായ വപുഷേ നമഃ || 19 ||

തമോഘ്നായ ഹിമഘ്നായ ശത്രുഘ്നായാ മിതാത്മനേ |

കൃതഘ്നഘ്നായ ദേവായ ജ്യോതിഷാം പതയേ നമഃ || 20 ||

തപ്ത ചാമീകരാഭായ വഹ്നയേ വിശ്വകര്മണേ |

നമസ്തമോ‌உഭി നിഘ്നായ രുചയേ ലോകസാക്ഷിണേ || 21 ||

നാശയത്യേഷ വൈ ഭൂതം തദേവ സൃജതി പ്രഭുഃ |

പായത്യേഷ തപത്യേഷ വര്ഷത്യേഷ ഗഭസ്തിഭിഃ || 22 ||

ഏഷ സുപ്തേഷു ജാഗര്തി ഭൂതേഷു പരിനിഷ്ഠിതഃ |

ഏഷ ഏവാഗ്നിഹോത്രം ച ഫലം ചൈവാഗ്നി ഹോത്രിണാം  || 23 ||

വേദാശ്ച ക്രതവശ്ചൈവ ക്രതൂനാം ഫലമേവ ച |

യാനി കൃത്യാനി ലോകേഷു സര്വ ഏഷ രവിഃ പ്രഭുഃ || 24 ||

ഫലശ്രുതിഃ

ഏന മാപത്സു കൃച്ഛ്രേഷു കാന്താരേഷു ഭയേഷു ച |

കീര്തയന് പുരുഷഃ കശ്ചിന്-നാവശീദതി രാഘവ || 25 ||

പൂജയസ്വൈന മേകാഗ്രോ ദേവദേവം ജഗത്പതിം  |

ഏതത് ത്രിഗുണിതം ജപ്ത്വാ യുദ്ധേഷു വിജയിഷ്യസി || 26 ||

അസ്മിന് ക്ഷണേ മഹാബാഹോ രാവണം ത്വം വധിഷ്യസി |

ഏവമുക്ത്വാ തദാഗസ്ത്യോ ജഗാമ ച യഥാഗതം  || 27 ||

ഏതച്ഛ്രുത്വാ മഹാതേജാഃ നഷ്ടശോകോ‌உഭവത്-തദാ |

ധാരയാമാസ സുപ്രീതോ രാഘവഃ പ്രയതാത്മവാന് || 28 ||

ആദിത്യം പ്രേക്ഷ്യ ജപ്ത്വാ തു പരം ഹര്ഷമവാപ്തവാൻ  |

ത്രിരാചമ്യ ശുചിര്ഭൂത്വാ ധനുരാദായ വീര്യവാന് || 29 ||

രാവണം പ്രേക്ഷ്യ ഹൃഷ്ടാത്മാ യുദ്ധായ സമുപാഗമത് |

സര്വയത്നേന മഹതാ വധേ തസ്യ ധൃതോ‌உഭവത് || 30 ||

അധ രവിരവദന്-നിരീക്ഷ്യ രാമം മുദിതമനാഃ പരമം പ്രഹൃഷ്യമാണഃ |

നിശിചരപതി സംക്ഷയം വിദിത്വാ സുരഗണ മധ്യഗതോ വചസ്ത്വരേതി || 31 ||

                                                                       ഹരിഃ ഓം