അച്യുതാഷ്ടകം


അച്യുതം കേശവം രാമനാരായണം
കൃഷ്ണദാമോദരം വാസുദേവം ഹരീം  |
ശ്രീധരം മാധവം ഗോപികാ വല്ലഭം
ജാനകീനായകം രാമചന്ദ്രം ഭജേ || 1 ||

അച്യുതം കേശവം സത്യഭാമാധവം
മാധവം ശ്രീധരം രാധികാ രാധിതം  |
ഇന്ദിരാമന്ദിരം ചേതസാ സുന്ദരം
ദേവകീനന്ദനം നന്ദജം സന്ദധേ || 2 ||

വിഷ്ണവേ ജിഷ്ണവേ ശങ്കനേ ചക്രിണേ
രുക്മിണീ രാഗിണേ ജാനകീ ജാനയേ |
വല്ലവീ വല്ലഭായാര്ചിതാ യാത്മനേ
കംസ വിധ്വംസിനേ വംശിനേ തേ നമഃ || 3 ||

കൃഷ്ണ ഗോവിന്ദ ഹേ രാമ നാരായണ
ശ്രീപതേ വാസുദേവാജിത ശ്രീനിധേ |
അച്യുതാനന്ത ഹേ മാധവാധോക്ഷജ
ദ്വാരകാനായക ദ്രൗപദീരക്ഷക || 4 ||

രാക്ഷസ ക്ഷോഭിതഃ സീതയാ ശോഭിതോ
ദണ്ഡകാരണ്യഭൂ പുണ്യതാകാരണഃ |
ലക്ഷ്മണോനാന്വിതോ വാനരൈഃ സേവിതോ
അഗസ്ത്യ സംപൂജിതോ രാഘവഃ പാതു മാം  || 5 ||

ധേനുകാരിഷ്ടകാ‌உനിഷ്ടികൃദ്-ദ്വേഷിഹാ
കേശിഹാ കംസഹൃദ്-വംശികാവാദകഃ |
പൂതനാകോപകഃ സൂരജാഖേലനോ
ബാലഹോപാലകഃ പാതു മാംസർവദാ  6 ||

ബിദ്യുദുദ്-യോതവത്-പ്രസ്ഫുരദ്-വാസസം
പ്രാവൃഡമ്-ഭോദവത്-പ്രോല്ലസദ്-വിഗ്രഹം  |
വാന്യയാ മാലയാ ശോഭിതോരഃ സ്ഥലം
ലോഹിതാങ്-ഘിദ്വയം വാരിജാക്ഷം ഭജേ || 7 ||

കുംചിതൈഃ കുന്തളൈ  ഭ്രാജമാനാനനം
രത്നമൗളിം ലസത്-കുണ്ഡലം ഗണ്ഡയോഃ |
ഹാരകേയൂരകം കങ്കണ പ്രോജ്ജ്വലം
കിങ്കിണീ മഞ്ജുളം  ശ്യാമളം  തം ഭജേ || 8 ||

അച്യുതസ്യാഷ്ടകം യഃ പഠേദിഷ്ടദം
പ്രേമതഃ പ്രത്യഹം പൂരുഷഃ സസ്പൃഹം  |
വൃത്തതഃ സുന്ദരം കര്തൃ വിശ്വമ്ഭരഃ
തസ്യ വശ്യോ ഹരി ര്ജായതേ സത്വരം  ||


                                                          ഹരിഃ ഓം