ശ്രീമദ് നാരായണീയം
പൃഥുചരിതം
ദശകം 18
ജാതസ്യ ധ്രുവകുല ഏവ തുംഗകീര്‍ത്തേ-
രംഗസ്യ വ്യജനി സുത: സ വേനനാമാ
യദ്ദോഷവ്യഥിതമതി: സ രാജവര്യ-
സ്ത്വത്പാദേ നിഹിതമനാ വനം ഗതോഭൂത് 1
പാപോപി ക്ഷിതിതലപാലനായ വേന:
പൗരാദ്യൈരുപനിഹിത: കഠോരവീര്‍യ്യഃ
സര്‍വ്വേഭ്യോ നിജബലമേവ സമ്പ്രശംസന്‍
ഭൂചക്രേ തവ യജനാന്യയം ന്യരൗത്സീത് 2
സംപ്രാപ്തേ ഹിതകഥനായ താപസൗഘേ
മത്തോന്യോ ഭുവനപതിര്‍ന്ന കശ്ചനേതി
ത്വന്നിന്ദാവചനപരോ മുനീശ്വരൈസ്തൈ:
ശാപാഗ്നൗ ശലഭദശാമനായി വേന: 3
തന്നാശാത് ഖലജനഭീരുകൈര്‍മുനീന്ദ്രൈ-
സ്തന്മാത്രാ ചിരപരിരക്ഷിതേ തദംഗേ
ത്യക്താഘേ പരിമഥിതാദഥോരുദണ്ഡാ-
ദ്ദോര്‍ദ്ദണ്ഡേ പരിമഥിതേ ത്വമാവിരാസീ: 4
വിഖ്യാത: പൃഥുരിതി താപസോപദിഷ്ടൈ:
സൂതാദ്യൈ: പരിണുതഭാവിഭൂരിവീര്യ:
വേനാര്‍ത്ഥ്യ കബലിതസമ്പദം ധരിത്രീ-
മാക്രാന്ത‍ാം നിജധനുഷാ സമാമകാര്‍ഷിഃ: 5
ഭൂയസ്ത‍ാം നിജകുലമുഖ്യവത്സയുക്ത്യൈര്‍ –
ദേവദ്യൈ: സമുചിതചാരുഭാജനേഷു
അന്നാദീന്യഭിലഷിതാനി യാനി താനി
സ്വച്ഛന്ദം സുരഭിതനൂമദൂദുഹസ്ത്വം 6
ത്മാനം യജതി മഖൈസ്ത്വയി ത്രിധാമ-
ന്നാരബ്ധേ ശതതമവാജിമേധയാഗേ
സ്പര്‍ദ്ധാലു: ശതമഖ ഏത്യ നീചവേഷോ
ഹൃത്വാശ്വം തവ തനയാത് പരാജിതോഭൂത് 7
ദേവേന്ദ്രം മുഹുരിതി വാജിനം ഹരന്തം
വഹ്നൗ തം മുനിവരമണ്ഡലേ ജുഹൂഷൗ
രുന്ധാനേ കമലഭവേ ക്രതോ: സമാപ്തൗ
സാക്ഷാത്ത്വം മധുരിപുമൈക്ഷഥാ: സ്വയം സ്വം 8
തദ്ദത്തം വരമുപലഭ്യ ഭക്തിമേക‍ാം
ഗംഗാന്തേ വിഹിതപദ: കദാപി ദേവ
സത്രസ്ഥം മുനിനിവഹം ഹിതാനി ശംസ-
ന്നൈക്ഷിഷ്ഠാ: സനകമുഖാന്‍ മുനീ‍ന്‍ പുരസ്താത് 9
വിജ്ഞാനം സനകമുഖോദിതം ദധാന:
സ്വാത്മാനം സ്വയമഗമോ വനാന്തസേവീ
തത്താദൃക്‍പൃഥുവപുരീശ സത്വരം മേ
രോഗൗഘം പ്രശമയ വാതഗേഹവാസിന്‍ 10
സർവത്ര ഗോവിന്ദ നാമ സങ്കീർത്തനം ഗോവിന്ദ ഗോവിന്ദ
ഹരിഃ ഓം
No comments:
Post a Comment