അദ്ധ്യായം 10
വിഭൂതിയോഗം
അഥ ദശമോഽധ്യായഃ |
ശ്രീഭഗവാനുവാച |
ഭൂയ ഏവ മഹാബാഹോ ശൃണു മേ പരമം വചഃ |
യത്തേഽഹം പ്രീയമാണായ വക്ഷ്യാമി ഹിതകാമ്യയാ || 1 ||
ന മേ വിദുഃ സുരഗണാഃ പ്രഭവം ന മഹര്ഷയഃ |
അഹമാദിര്ഹി ദേവാനാം മഹര്ഷീണാം ച സര്വശഃ || 2 ||
യോ മാമജമനാദിം ച വേത്തി ലോകമഹേശ്വരം |
അസംമൂഢഃ സ മര്ത്യേഷു സര്വപാപൈഃ പ്രമുച്യതേ || 3 ||
ബുദ്ധിര്ജ്ഞാനമസംമോഹഃ ക്ഷമാ സത്യം ദമഃ ശമഃ |
സുഖം ദുഃഖം ഭവോഽഭാവോ ഭയം ചാഭയമേവ ച || 4 ||
അഹിംസാ സമതാ തുഷ്ടിസ്തപോ ദാനം യശോഽയശഃ |
ഭവംതി ഭാവാ ഭൂതാനാം മത്ത ഏവ പൃഥഗ്വിധാഃ || 5 ||
മഹര്ഷയഃ സപ്ത പൂര്വേ ചത്വാരോ മനവസ്തഥാ |
മദ്ഭാവാ മാനസാ ജാതാ യേഷാം ലോക ഇമാഃ പ്രജാഃ || 6 ||
ഏതാം വിഭൂതിം യോഗം ച മമ യോ വേത്തി തത്ത്വതഃ |
സോഽവികംപേന യോഗേന യുജ്യതേ നാത്ര സംശയഃ || 7 ||
അഹം സര്വസ്യ പ്രഭവോ മത്തഃ സര്വം പ്രവര്തതേ |
ഇതി മത്വാ ഭജംതേ മാം ബുധാ ഭാവസമന്വിതാഃ || 8 ||
മച്ചിത്താ മദ്ഗതപ്രാണാ ബോധയംതഃ പരസ്പരം |
കഥയംതശ്ച മാം നിത്യം തുഷ്യംതി ച രമംതി ച || 9 ||
തേഷാം സതതയുക്താനാം ഭജതാം പ്രീതിപൂര്വകം |
ദദാമി ബുദ്ധിയോഗം തം യേന മാമുപയാംതി തേ || 10 ||
തേഷാമേവാനുകംപാര്ഥമഹമജ്ഞാനജം തമഃ |
നാശയാമ്യാത്മഭാവസ്ഥോ ജ്ഞാനദീപേന ഭാസ്വതാ || 11 ||
അര്ജുന ഉവാച |
പരം ബ്രഹ്മ പരം ധാമ പവിത്രം പരമം ഭവാന് |
പുരുഷം ശാശ്വതം ദിവ്യമാദിദേവമജം വിഭും || 12 ||
ആഹുസ്ത്വാമൃഷയഃ സര്വേ ദേവര്ഷിര്നാരദസ്തഥാ |
അസിതോ ദേവലോ വ്യാസഃ സ്വയം ചൈവ ബ്രവീഷി മേ || 13 ||
സര്വമേതദൃതം മന്യേ യന്മാം വദസി കേശവ |
ന ഹി തേ ഭഗവന്വ്യക്തിം വിദുര്ദേവാ ന ദാനവാഃ || 14 ||
സ്വയമേവാത്മനാത്മാനം വേത്ഥ ത്വം പുരുഷോത്തമ |
ഭൂതഭാവന ഭൂതേശ ദേവദേവ ജഗത്പതേ || 15 ||
വക്തുമര്ഹസ്യശേഷേണ ദിവ്യാ ഹ്യാത്മവിഭൂതയഃ |
യാഭിര്വിഭൂതിഭിര്ലോകാനിമാംസ്ത്വം വ്യാപ്യ തിഷ്ഠസി || 16 ||
കഥം വിദ്യാമഹം യോഗിംസ്ത്വാം സദാ പരിചിംതയൻ |
കേഷു കേഷു ച ഭാവേഷു ചിംത്യോഽസി ഭഗവന്മയാ || 17 ||
വിസ്തരേണാത്മനോ യോഗം വിഭൂതിം ച ജനാര്ദന |
ഭൂയഃ കഥയ തൃപ്തിര്ഹി ശൃണ്വതോ നാസ്തി മേഽമൃതം || 18 ||
ശ്രീഭഗവാനുവാച |
ഹംത തേ കഥയിഷ്യാമി ദിവ്യാ ഹ്യാത്മവിഭൂതയഃ |
പ്രാധാന്യതഃ കുരുശ്രേഷ്ഠ നാസ്ത്യംതോ വിസ്തരസ്യ മേ || 19 ||
അഹമാത്മാ ഗുഡാകേശ സര്വഭൂതാശയസ്ഥിതഃ |
അഹമാദിശ്ച മധ്യം ച ഭൂതാനാമംത ഏവ ച || 20 ||
ആദിത്യാനാമഹം വിഷ്ണുര്ജ്യോതിഷാം രവിരംശുമാൻ |
മരീചിര്മരുതാമസ്മി നക്ഷത്രാണാമഹം ശശീ || 21 ||
വേദാനാം സാമവേദോഽസ്മി ദേവാനാമസ്മി വാസവഃ |
ഇംദ്രിയാണാം മനശ്ചാസ്മി ഭൂതാനാമസ്മി ചേതനാ || 22 ||
രുദ്രാണാം ശംകരശ്ചാസ്മി വിത്തേശോ യക്ഷരക്ഷസാം |
വസൂനാം പാവകശ്ചാസ്മി മേരുഃ ശിഖരിണാമഹം || 23 ||
പുരോധസാം ച മുഖ്യം മാം വിദ്ധി പാര്ഥ ബൃഹസ്പതിം |
സേനാനീനാമഹം സ്കംദഃ സരസാമസ്മി സാഗരഃ || 24 ||
മഹര്ഷീണാം ഭൃഗുരഹം ഗിരാമസ്മ്യേകമക്ഷരം |
യജ്ഞാനാം ജപയജ്ഞോഽസ്മി സ്ഥാവരാണാം ഹിമാലയഃ || 25 ||
അശ്വത്ഥഃ സര്വവൃക്ഷാണാം ദേവര്ഷീണാം ച നാരദഃ |
ഗംധര്വാണാം ചിത്രരഥഃ സിദ്ധാനാം കപിലോ മുനിഃ || 26 ||
ഉച്ചൈഃശ്രവസമശ്വാനാം വിദ്ധി മാമമൃതോദ്ഭവം |
ഐരാവതം ഗജേംദ്രാണാം നരാണാം ച നരാധിപം || 27 ||
ആയുധാനാമഹം വജ്രം ധേനൂനാമസ്മി കാമധുക് |
പ്രജശ്ചാസ്മി കംദര്പഃ സര്പാണാമസ്മി വാസുകിഃ || 28 ||
അനംതശ്ചാസ്മി നാഗാനാം വരുണോ യാദസാമഹം |
പിതൄണാമര്യമാ ചാസ്മി യമഃ സംയമതാമഹം || 29 ||
പ്രഹ്ലാദശ്ചാസ്മി ദൈത്യാനാം കാലഃ കലയതാമഹം |
മൃഗാണാം ച മൃഗേംദ്രോഽഹം വൈനതേയശ്ച പക്ഷിണാം || 30 ||
പവനഃ പവതാമസ്മി രാമഃ ശസ്ത്രഭൃതാമഹം |
ഝഷാണാം മകരശ്ചാസ്മി സ്രോതസാമസ്മി ജാഹ്നവീ || 31 ||
സര്ഗാണാമാദിരംതശ്ച മധ്യം ചൈവാഹമര്ജുന |
അധ്യാത്മവിദ്യാ വിദ്യാനാം വാദഃ പ്രവദതാമഹം || 32 ||
അക്ഷരാണാമകാരോഽസ്മി ദ്വംദ്വഃ സാമാസികസ്യ ച |
അഹമേവാക്ഷയഃ കാലോ ധാതാഹം വിശ്വതോമുഖഃ || 33 ||
മൃത്യുഃ സര്വഹരശ്ചാഹമുദ്ഭവശ്ച ഭവിഷ്യതാം |
കീര്തിഃ ശ്രീര്വാക്ച നാരീണാം സ്മൃതിര്മേധാ ധൃതിഃ ക്ഷമാ || 34 ||
ബൃഹത്സാമ തഥാ സാമ്നാം ഗായത്രീ ഛംദസാമഹം |
മാസാനാം മാര്ഗശീര്ഷോഽഹമൃതൂനാം കുസുമാകരഃ || 35 ||
ദ്യൂതം ഛലയതാമസ്മി തേജസ്തേജസ്വിനാമഹം |
ജയോഽസ്മി വ്യവസായോഽസ്മി സത്ത്വം സത്ത്വവതാമഹം || 36 ||
വൃഷ്ണീനാം വാസുദേവോഽസ്മി പാംഡവാനാം ധനംജയഃ |
മുനീനാമപ്യഹം വ്യാസഃ കവീനാമുശനാ കവിഃ || 37 ||
ദംഡോ ദമയതാമസ്മി നീതിരസ്മി ജിഗീഷതാം |
മൌനം ചൈവാസ്മി ഗുഹ്യാനാം ജ്ഞാനം ജ്ഞാനവതാമഹം || 38 ||
യച്ചാപി സര്വഭൂതാനാം ബീജം തദഹമര്ജുന |
ന തദസ്തി വിനാ യത്സ്യാന്മയാ ഭൂതം ചരാചരം || 39 ||
നാംതോഽസ്തി മമ ദിവ്യാനാം വിഭൂതീനാം പരംതപ |
ഏഷ തൂദ്ദേശതഃ പ്രോക്തോ വിഭൂതേര്വിസ്തരോ മയാ || 40 ||
യദ്യദ്വിഭൂതിമത്സത്ത്വം ശ്രീമദൂര്ജിതമേവ വാ |
തത്തദേവാവഗച്ഛ ത്വം മമ തേജോംഽശസംഭവം || 41 ||
അഥവാ ബഹുനൈതേന കിം ജ്ഞാതേന തവാര്ജുന |
വിഷ്ടഭ്യാഹമിദം കൃത്സ്നമേകാംശേന സ്ഥിതോ ജഗത് || 42 ||
ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ ശ്രീകൃഷ്ണാര്ജുനസംവാദേവിഭൂതിയോഗോ നാമ ദശമോഽധ്യായഃ
ഹരിഃ ഓം
No comments:
Post a Comment