ദശകം 20

                                                             

പ്രിയവ്രതസ്യ പ്രിയപുത്രഭൂതാ-
ദാഗ്നീധ്രരാജാദുദിതോ ഹി നാഭി: |
ത്വ‍ാം ദൃഷ്ടവാനിഷ്ടദമിഷ്ടിമധ്യേ
തവൈവ തുഷ്ട്യൈ കൃതയജ്ഞകര്‍മ്മാ. || 1||

അഭിഷ്ടുതസ്തത്ര മുനീശ്വരൈസ്ത്വം
രാജ്ഞ: സ്വതുല്യം സുതമര്ഥ്യമാന: |
സ്വയം ജനിഷ്യേഹമിതി ബ്രുവാണ-
സ്തിരോദധാ ബര്‍ഹിഷി വിശ്വമൂര്‍ത്തേ || 2 ||

നാഭിപ്രിയായാമഥ മേരുദേവ്യ‍ാം
ത്വമംശതോഭൂ: ൠഷഭാഭിധാന: |
അലോകസാമാന്യഗുണപ്രഭാവ-
പ്രഭാവിതാശേഷജനപ്രമോദ: || 3 ||

ത്വയി ത്രിലോകീഭൃതി രാജ്യഭാരം
നിധായ നാഭി: സഹ മേരുദേവ്യാ |
തപോവനം പ്രാപ്യ ഭവന്നിഷേവീ
ഗത: കിലാനന്ദപദം പദം തേ || 4 ||

ഇന്ദ്രസ്ത്വദുത്  കര്‍ഷകൃതാദമര്‍ഷാ-
ദ്വവര്‍ഷ നാസ്മിന്നജനാഭവര്‍ഷേ |
യദാ തദാ ത്വം നിജയോഗശക്ത്യാ
സ്വവര്‍ഷമേനദ്വ്യദധാ: സുവര്‍ഷം || 5 ||

ജിതേന്ദ്രദത്ത‍ാം കമനീം ജയന്തീ-
മഥോദ്വഹന്നാത്മരതാശയോപി |
അജീജനസ്തത്ര ശതം തനൂജാ-
നേഷ‍ാം ക്ഷിതീശോ ഭരതോഗ്രജന്മാ || 6 ||

നവാഭവന്‍ യോഗിവരാ നവാന്യേ
ത്വപാലയന്‍ ഭാരതവര്‍ഷഖണ്ഡാന്‍ |
സൈകാ ത്വശീതിസ്തവ ശേഷപുത്ര-
സ്തപോബലാത് ഭൂസുരഭൂയമീയു: || 7 ||

ഉക്ത്വാ സുതേഭ്യോഥ മുനീന്ദ്രമധ്യേ
വിരക്തിഭക്ത്യന്വിതമുക്തിമാര്‍ഗ്ഗം |
സ്വയം ഗത: പാരമഹംസ്യവൃത്തി-
മധാ ജഡോന്മത്തപിശാചചര്യ‍ാം || 8 ||

പരാത്മഭൂതോപി പരോപദേശം
കുര്‍വന്‍ ഭവാന്‍ സര്‍വനിരസ്യമാന: |
വികാരഹീനോ വിചചാര കൃത്സ്ന‍ാം
മഹീമഹീനാത്മരസാഭിലീന: || 9 ||

ശയുവ്രതം ഗോമൃഗകാകചര്യ‍ാം
ചിരം ചരന്നാപ്യ പരം സ്വരൂപം |
ദവാഹൃത‍ാംഗഃ കുടകാചലേ ത്വം
താപാന്‍ മമാപാകുരു വാതനാഥ || 10 ||

                                                           ഹരിഃ ഓം