ശ്രീദുർഗ്ഗാസ്തവം
നമസ്തേ ശരണ്യേ ശിവേ സാനുകമ്പേ
നമസ്തേ ജഗ്തവ്യാപികേ വിശ്വരൂപേ
നമസ്തേ ജഗത്‌വന്ദ്യപാദാരവിന്ദേ
നമസ്തേ ജഗത്താരിണി ത്രാഹി ദുർഗ്ഗേ!
നമസ്തേ ജഗച്ചിന്ത്യമാനസ്വരൂപേ
നമസ്തേ മഹായോഗിനി ജ്ഞാനരൂപേ
നമസ്തേ സദാനന്ദനന്ദസ്വരൂപേ
നമസ്തേ ജഗത്താരിണി ത്രാഹി ദുർഗ്ഗേ!
അനാഥസ്യ ദീനസ്യ തൃഷ്ണാതുരസ്യ
ക്ഷുധാർത്തസ്യ ഭീതസ്യ ബദ്ധസ്യ ജന്തോ:
ത്വമേകാ ഗതിർദേവി നിസ്‌താരകർത്രി
നമസ്തേ ജഗത്താരിണി ത്രാഹി ദുർഗ്ഗേ!
അരണ്യേ രണേ ദാരുണേ ശത്രുമദ്ധ്യേ -
/നലെ സാഗരേ പ്രാന്തരേ രാജഗേഹേ
ത്വമേകാ ഗതിർദേവി നിസ്‌താരഹേതുർ
നമസ്തേ ജഗത്താരിണി ത്രാഹി ദുർഗ്ഗേ!
അപാരേ മഹാദുസ്തരേ/ത്യന്തഘോരേ
വിപത്‌സാഗരേ മജ്ജതാം ദേഹഭാജാം
ത്വമേകാ ഗതിർദേവി നിസ്‌താരനൗകാ
നമസ്തേ ജഗത്താരിണി ത്രാഹി ദുർഗ്ഗേ!
നമശ്ചണ്ഡികേ ചണ്ഡദോർദണ്ഡലീലാ -
സമുത്ഖണ്ഡിതാഖണ്ഡലാശേഷഭീതേ
ത്വമേകാ ഗതിർവിഘ്‌നസന്ദോഹഹന്ത്രീ
നമസ്തേ ജഗത്താരിണി ത്രാഹി ദുർഗ്ഗേ!
ത്വമേകാജിതാരാജിതാ സത്യവാദി -
ന്യമേയാജിതാക്രോധനാ ക്രോധനിഷ്ഠാ
ഇഡാ പിങ്ഗളാ ത്വം സുഷുമ്നാ ച നാഡീ,
നമസ്തേ ജഗത്താരിണി ത്രാഹി ദുർഗ്ഗേ!
നമോ ദേവി ദുർഗ്ഗേ ശിവേ ഭീമനാദേ
സരസ്വത്യരുന്ധത്യമോഘസ്വരൂപേ
വിഭൂതിഃ ശചീ കാളരാത്രി: സതീ ത്വം
നമസ്തേ ജഗത്താരിണി ത്രാഹി ദുർഗ്ഗേ!
ഹരിഃ ഓം
No comments:
Post a Comment