ദശകം 9
സ്ഥിതഃ സ കമലോദ്ഭവസ്തവ ഹി നാഭീപങ്കേരുഹേ
കുത: സ്വിദിദമംബുധാവുദിതമിത്യനാലോകയന് |
തദീക്ഷണകുതൂഹലാത് പ്രതിദിശം വിവൃത്താനന-
ശ്ചതുര്വദനതാമഗാദ്വികസദഷ്ടദൃഷ്ട്യംബുജാം || 1 ||
മഹാര്ണ്ണവവിഘൂര്ണ്ണിതം കമലമേവ തത്കേവലം
വിലോക്യ തദുപാശ്രയം തവ തനും തു നാലോകയന് |
ക ഏഷ കമലോദരേ മഹതി നിസ്സഹായോ ഹ്യഹം
കുത: സ്വിദിദമ്ബുജം സമജനീതി ചിന്താമഗാത് || 2 ||
അമുഷ്യ ഹി സരോരുഹ: കിമപി കാരണം സംഭവേ –
ദിതി സ്മ കൃതനിശ്ചയസ്സ ഖലു നാളരന്ധ്രാദ്ധ്വനാ |
സ്വയോഗബലവിദ്യയാ സമവരൂഢവാന് പ്രൗഢധീ –
സ്ത്വദീയമതിമോഹനം ന തു കളേബരം ദൃഷ്ടവാന് || 3 ||
തത: സകലനാളികാവിവരമാര്ഗ്ഗഗോ മാര്ഗ്ഗയന്
പ്രയസ്യ ശതവത്സരം കിമപി നൈവ സംദൃഷ്ടവാന് |
നിവൃത്യ കമലോദരേ സുഖനിഷണ്ണ ഏകാഗ്രധീ:
സമാധിബലമാദധേ ഭവദനുഗ്രഹൈകാഗ്രഹീ || 4 ||
ശതേന പരിവത്സരൈര്ദൃഢസമാധിബന്ധോല്ലസത്-
പ്രബോധവിശദീകൃത: സ ഖലു പത്മിനീസംഭവ: |
അദൃഷ്ടചരമദ്ഭുതം തവ ഹി രൂപമന്തര്ദൃശാ
വ്യചഷ്ട പരിതുഷ്ടധീര്ഭുജഗഭോഗഭാഗാശ്രയം || 5 ||
കിരീടമുകുടോല്ലസത്കടകഹാരകേയൂരയുങ്-
മണിസ്ഫുരിതമേഖലം സുപരിവീതപീതാംബരം |
കളായകുസുമപ്രഭം ഗളതലോല്ലസത്കൗസ്തുഭം
വപുസ്തദയി ഭാവയേ കമലജന്മേ ദര്ശിതം || 6 ||
ശ്രുതിപ്രകരദര്ശിതപ്രചുരവൈഭവ ശ്രീപതേ
ഹരേ ജയ ജയ പ്രഭോ പദമുപൈഷി ദിഷ്ട്യാ ദൃശോ: |
കുരുഷ്വ ധിയമാശു മേ ഭുവനനിര്മ്മിതൗ കര്മ്മഠാ-
മിതി ദ്രുഹിണവര്ണ്ണിതസ്വഗുണബംഹിമാ പാഹി മാം || 7 ||
ലഭസ്വ ഭുവനത്രയീരചനദക്ഷതാമക്ഷതാം
ഗൃഹാണ മദനുഗ്രഹം കുരു തപശ്ച ഭൂയോ വിധേ |
ഭവത്വഖിലസാധനീ മയി ച ഭക്തിരത്യുത്കടേ-
ത്യുദീര്യ ഗിരമാദധാ മുദിതചേതസം വേധസം || 8 ||
ശതം കൃതതപാസ്തത: സ ഖലു ദിവ്യസംവത്സരാ-
നവാപ്യ ച തപോബലം മതിബലം ച പൂര്വ്വാധികം |
ഉദീക്ഷ്യ കില കമ്പിതം പയസി പങ്കജം വായുനാ
ഭവദ്ബലവിജൃംഭിത: പവനപാഥസീ പീതവാന് || 9 ||
തവൈവ കൃപയാ പുനസ്സരസിജേന തേനൈവ സ:
പ്രകല്പ്യ ഭുവനത്രയീം പ്രവവൃതേ പ്രജാനിര്മ്മിതൗ |
തഥാവിധകൃപാഭരോ ഗുരുമരുത്പുരാധീശ്വര
ത്വമാശു പരിപാഹി മാം ഗുരുദയോക്ഷിതൈരീക്ഷിതൈ: || 10 ||
ഹരിഃ ഓം
സ്ഥിതഃ സ കമലോദ്ഭവസ്തവ ഹി നാഭീപങ്കേരുഹേ
കുത: സ്വിദിദമംബുധാവുദിതമിത്യനാലോകയന് |
തദീക്ഷണകുതൂഹലാത് പ്രതിദിശം വിവൃത്താനന-
ശ്ചതുര്വദനതാമഗാദ്വികസദഷ്ടദൃഷ്ട്യംബുജാം || 1 ||
മഹാര്ണ്ണവവിഘൂര്ണ്ണിതം കമലമേവ തത്കേവലം
വിലോക്യ തദുപാശ്രയം തവ തനും തു നാലോകയന് |
ക ഏഷ കമലോദരേ മഹതി നിസ്സഹായോ ഹ്യഹം
കുത: സ്വിദിദമ്ബുജം സമജനീതി ചിന്താമഗാത് || 2 ||
അമുഷ്യ ഹി സരോരുഹ: കിമപി കാരണം സംഭവേ –
ദിതി സ്മ കൃതനിശ്ചയസ്സ ഖലു നാളരന്ധ്രാദ്ധ്വനാ |
സ്വയോഗബലവിദ്യയാ സമവരൂഢവാന് പ്രൗഢധീ –
സ്ത്വദീയമതിമോഹനം ന തു കളേബരം ദൃഷ്ടവാന് || 3 ||
തത: സകലനാളികാവിവരമാര്ഗ്ഗഗോ മാര്ഗ്ഗയന്
പ്രയസ്യ ശതവത്സരം കിമപി നൈവ സംദൃഷ്ടവാന് |
നിവൃത്യ കമലോദരേ സുഖനിഷണ്ണ ഏകാഗ്രധീ:
സമാധിബലമാദധേ ഭവദനുഗ്രഹൈകാഗ്രഹീ || 4 ||
ശതേന പരിവത്സരൈര്ദൃഢസമാധിബന്ധോല്ലസത്-
പ്രബോധവിശദീകൃത: സ ഖലു പത്മിനീസംഭവ: |
അദൃഷ്ടചരമദ്ഭുതം തവ ഹി രൂപമന്തര്ദൃശാ
വ്യചഷ്ട പരിതുഷ്ടധീര്ഭുജഗഭോഗഭാഗാശ്രയം || 5 ||
കിരീടമുകുടോല്ലസത്കടകഹാരകേയൂരയുങ്-
മണിസ്ഫുരിതമേഖലം സുപരിവീതപീതാംബരം |
കളായകുസുമപ്രഭം ഗളതലോല്ലസത്കൗസ്തുഭം
വപുസ്തദയി ഭാവയേ കമലജന്മേ ദര്ശിതം || 6 ||
ശ്രുതിപ്രകരദര്ശിതപ്രചുരവൈഭവ ശ്രീപതേ
ഹരേ ജയ ജയ പ്രഭോ പദമുപൈഷി ദിഷ്ട്യാ ദൃശോ: |
കുരുഷ്വ ധിയമാശു മേ ഭുവനനിര്മ്മിതൗ കര്മ്മഠാ-
മിതി ദ്രുഹിണവര്ണ്ണിതസ്വഗുണബംഹിമാ പാഹി മാം || 7 ||
ലഭസ്വ ഭുവനത്രയീരചനദക്ഷതാമക്ഷതാം
ഗൃഹാണ മദനുഗ്രഹം കുരു തപശ്ച ഭൂയോ വിധേ |
ഭവത്വഖിലസാധനീ മയി ച ഭക്തിരത്യുത്കടേ-
ത്യുദീര്യ ഗിരമാദധാ മുദിതചേതസം വേധസം || 8 ||
ശതം കൃതതപാസ്തത: സ ഖലു ദിവ്യസംവത്സരാ-
നവാപ്യ ച തപോബലം മതിബലം ച പൂര്വ്വാധികം |
ഉദീക്ഷ്യ കില കമ്പിതം പയസി പങ്കജം വായുനാ
ഭവദ്ബലവിജൃംഭിത: പവനപാഥസീ പീതവാന് || 9 ||
തവൈവ കൃപയാ പുനസ്സരസിജേന തേനൈവ സ:
പ്രകല്പ്യ ഭുവനത്രയീം പ്രവവൃതേ പ്രജാനിര്മ്മിതൗ |
തഥാവിധകൃപാഭരോ ഗുരുമരുത്പുരാധീശ്വര
ത്വമാശു പരിപാഹി മാം ഗുരുദയോക്ഷിതൈരീക്ഷിതൈ: || 10 ||
ഹരിഃ ഓം
No comments:
Post a Comment