ശ്രീമദ് നാരായണീയം
ദശകം 7
ബ്രഹ്മാവിന്റെ തപസ്സും വൈകുണ്ഠ ദര്ശനവും
ബ്രഹ്മാവിന്റെ തപസ്സും വൈകുണ്ഠ ദര്ശനവും
ഏവം ദേവ ചതുര്‍ദ്ദശാത്മകജഗദ്രൂപേണ ജാത: പുന-
സ്തസ്യോര്‍ദ്ദ്വം ഖലു സത്യലോകനിലയേ ജാതോസി ധാതാ സ്വയം
യം ശംസന്തി ഹിരണ്യഗര്‍ഭമഖിലത്രൈലോക്യജീവാത്മകം
യോഭൂത് സ്ഫീതരജോവികാരവികസന്നാനാസിസൃക്ഷാരസ: 1
സോയം വിശ്വവിസര്‍ഗദത്തഹൃദയ: സമ്പശ്യമാന: സ്വയം
ബോധം ഖല്വനവാപ്യ വിശ്വവിഷയം ചിന്താകുലസ്തസ്ഥിവാന്‍
താവത്ത്വം ജഗത‍ാം പതേ തപ തപേത്യേവം ഹി വൈഹായസീം
വാണീമേനമശിശ്രവ: ശ്രുതിസുഖ‍ാം കുര്‍വംസ്തപ:പ്രേരണ‍ാം 2
കോസൗ മാമവദത് പുമാനിതി ജലാപൂര്‍ണ്ണേ ജഗന്മണ്ഡലേ
ദിക്ഷൂദ്വീക്ഷ്യ കിമപ്യനീക്ഷിതവതാ വാക്യാര്‍മുത്പശ്യതാ
ദിവ്യം വര്‍ഷസഹസ്രമാത്തതപസാ തേന ത്വമാരാധിത –
സ്തസ്മൈ ദര്‍ശിതവാനസി സ്വനിലയം വൈകുണ്ഠമേകാദ്ഭുതം 3
മായാ യത്ര കദാപി നോ വികുരുതേ ഭാതേ ജഗദ്ഭ്യോ ബഹി:
ശോകക്രോധവിമോഹസാധ്വസമുഖാ ഭാവാസ്തു ദൂരം ഗതാ:
സാന്ദ്രാനന്ദഝരീ ച യത്ര പരമജ്യോതി:പ്രകാശാത്മകേ
തത്തേ ധാമ വിഭാവിതം വിജയതേ വൈകുണ്ഠരൂപം വിഭോ 4
യസ്മിന്നാമ ചതുര്‍ഭുജാ ഹരിമണിശ്യാമാവദാതത്വിഷോ
നാനാഭൂഷണരത്നദീപിതദിശോ രാജദ്വിമാനാലയാ:
ഭക്തിപ്രാപ്തതഥാവിധോന്നതപദാ ദീവ്യന്തി ദിവ്യാ ജനാ-
തത്തേ ധാമ നിരസ്തസര്‍വശമലം വൈകുണ്ഠരൂപം ജയേത് 5
നാനാദിവ്യവധൂജനൈരഭിവൃതാ വിദ്യുല്ലതാതുല്യയാ
വിശ്വോന്മാദനഹൃദ്യഗാത്രലതയാ വിദ്യോതിതാശാന്തരാ
ത്വത്പാദ‍ാംബുജസൗരഭൈകകുതുകാല്ലക്ഷ്മീ: സ്വയം ലക്ഷ്യതേ
യസ്മിന്‍ വിസ്മയനീയദിവ്യവിഭവം തത്തേ പദം ദേഹി മേ 6
തത്രൈവം പ്രതിദര്‍ശിതേ നിജപദേ രത്നാസനാധ്യാസിതം
ഭാസ്വത്കോടിലസത്കിരീടകടകാദ്യാകല്പദീപ്രാകൃതി
ശ്രീവത്സാങ്കിതമാത്തകൗസ്തുഭമണിച്ഛായാരുണം കാരണം
വിശ്വേഷ‍ാം തവ രൂപമൈക്ഷത വിധിസ്തത്തേ വിഭോ ഭാതു മേ 7
ല‍ാംഭോദകലായകോമലരുചീചക്രേണ ചക്രം ദിശാ –
മാവൃണ്വാനമുദാരമന്ദഹസിതസ്യന്ദപ്രസന്നാനനം
രാജത്കംബുഗദാരിപങ്കജധരശ്രീമദ്ഭുജാമണ്ഡലം
സ്രഷ്ടുസ്തുഷ്ടികരം വപുസ്തവ വിഭോ മദ്രോഗമുദ്വാസയേത് 8
ദൃഷ്ട്വാ സംഭൃതസംഭൃമഃ കമലഭൂസ്ത്വത്പാദപാഥോരുഹേ
ഹര്‍ഷാവേശവശംവദോ നിപതിത: പ്രീത്യാ കൃതാര്‍ത്ഥിഭവന്‍
ജാനാസ്യേവ മനീഷിതം മമ വിഭോ ജ്ഞാനം തദാപാദയ
ദ്വൈതാദ്വൈതഭവത്സ്വരൂപപരമിത്യാചഷ്ട തം ത്വ‍ാം ഭജേ 9
ആതാമ്രേ ചരണേ വിനമ്രമഥ തം ഹസ്തേന ഹസ്തേ സ്പൃശ‍ന്‍
ബോധസ്തേ ഭവിതാ ന സര്‍ഗവിധിഭിര്‍ബന്ധോപി സഞ്ജായതേ
ഇത്യാഭാഷ്യ ഗിരം പ്രതോഷ്യ നിതര‍ാം തച്ചിത്തഗൂഢ: സ്വയം
സൃഷ്ടൗ തം സമുദൈരയ: സ ഭഗവന്നുല്ലാസയോല്ലാഘത‍ാം 10
സർവത്ര ഗോവിന്ദ നാമ സങ്കീർത്തനം ഗോവിന്ദ ഗോവിന്ദ
ഹരിഃ ഓം
No comments:
Post a Comment